旺角中心食街 泰國人主廚小食店

太耐無嚟旺中，二樓而家變咗食街，除咗台式茶飲、港式掃街小食，仲有一間泰國人開嘅泰國嘢 餐牌有粉麵飯、咖喱、小食等等，最吸引我嘅係香蕉煎餅😍 ✨堅泰即炒Pad Thai $50 睇個名就知係招牌菜，即點即炒上抬時熱到出煙 食落帶點微甜好有鑊氣但唔會太油膩 配料有蝦仁、豬肉、豆干、芽菜，好足料 呢個價錢仲包埋一杯細嘅飲品，好抵食 ✨豬頸肉沙律 $52 豬頸肉爽口份量都唔少，撈埋青瓜條同紫洋蔥好清新 泰式沙律汁酸酸地帶點微辣夠晒開胃 ✨朱古力香蕉煎餅 $34 煎餅有好多口味選擇，一共有成11款 煎餅夠薄身表面煎得非常酥脆👍🏻 內裡香蕉香甜，夾埋表面朱古力醬，鍾意食甜嘢一定好滿足 下次一定會再嚟食榴槤煎餅😆 ✨泰式奶茶 (套餐連細杯飲品) 嗌Pad Thai跟餐送嘅泰奶係細杯裝 竟然係走冰少甜！好啱飲🥹 📍堅泰 @kindee.thai 旺角彌敦道688號旺角中心第一座2樓SA25A號舖